جمهور النجم الرياضي الساحلي العظيم

الأكيد إنو وجودكم في المدارج هو الي يجعل من الضعف قوة و هو الي يغير كل المعطيات خاصة في الأوقات الصعيبة.

مباراة العمران باش تتلعب للأسف من غيركم لكن الأكيد إنو كل واحد فيكم باش يكون بكل جوارحو مع ولادنا وباش يكون الغايب الحاضر: غايب في الشنوة والفيراج والڨرادان لكن حاضر باش يعيش كل لحظة في الماتش بكل نبضة في قلبو وبغيرة كبيرة على الجمعية الي مستحقة كل واحد منكم.

هذاكا علاش حد ما يشك إنكم باش تترجمو غرامكم بليتوال ونعوضو الويكلو بإلتفافكم حول الجمعية الي حتى حد ما يشك فيه بالإقبال على تذاكر الدعم bons de soutien لنجمتنا الغالية بقيمة 10 دينارات لكل تذكرة.

وبما إنو جمهور ليتوال الغالي متعود على رفع التحديات فإنو الأكيد إنو الهدف المرسوم بمناسبة مباراة الشبيبة الرياضية بالعمران 20 ألف تذكرة دعم ما يغلاش على نجمتنا وباش يكون فرصة لرفع تحدي جديد يحسب لجمهورنا العظيم.

وهكا نكونو “حاضرين بقلوبنا” مع النجمة الي ما يغلى عليها شي ونحققو إن شاء الله الإنتصار فوق الميدان ونرفعو تحدي ال 20 ألف تذكرة دعم.

ملاحظة: يمكنكم إقتناء تذاكر الدعم عن بعد عبر منصة https://www.ess-eboutique.com/ وبصفة مباشرة في مغازة النادي، وذلك إبتداء من الإثنين 9 ديسمبر